Stanisław Sieciński - biskup przemyski 1609-1619

Abstract

Sieciński Stanislaus natus anno 1560 Siecinii diocesis Plocensis. Post educationem, quam a. 1574 Cracoviae in Academia inchoavit et Romae continuavit lauream utriusąue iuris adeptus est. Post reditum in patriam in cancelaria regali Cracoviae ut secretarius laboravit. Data occasione aliąuot beneficia ecclesiastica accumulavit i. a. pariochiam Lubaczoviensem dioec. Premisliensis, praeposituram Posnaniensem, Cracoviensem. Anno 1609 nominatus episcopus Premisliensis a rege, 3 Augusti praeconisatus a papa Paulo V, 27 Novembris 1609 gubernationem dioecesis accepit. Brzozoviae constanter residebat, tamen singulis annis visitabat praesertim haec loca, ubi bona mensae episcopalis reperiebantur. Dioecesis Premisliensis sub respectu religionis mixta erat, nam multi Rutheni orthodoxi reperiebantur. Post mortem episcopi orthodoxi Michaelis Kopystenski, qui unionem Berestensem non accepit, Sieciński apud regem impetravit nominationem Athanasii Krupecki, qui unioni favebat. Post primum quadriennium regiminis relationem de statu dioecesis Romam misit. Durante regimine contra cumulantes plura beneficia sine dispensatione apostolica procedebat, praeterea observationem disciplinae ecclesiasticae inter clerum curabat. Principalis eius cura in eo versabatur, ut primordia collegii patrum Societatis Jesu Premisliae fundaret, eo fine ut seminarium clericorum erigeret, eisque antiquam ecclesiam s. Petri dedit. Tres vel ad minus duas synodus dioecesanas celebravit. Tria Collegia mansjonariorum et unum psalteristarum erexit. Premisliae conventum filialem monialium ordinis s. Benedicti instituit, quinque ecclesias consecravit. In rebus politicis totaliter parti regali favebat. Anno 1619 die 16 Octobris Brzozoviae Sieciński mortuus est, sepultus tamen Premisliae.