Greckokatolicki biskup łucki Stefan Lewiński (1736-1807)

Abstract

Stephanus Lewiński natus anno 1736 in pago Drohormiczany, dioecesis ritus graeco-catholici Leopolensis. Studia theologica in Collegio papali pro Armenis et Ruthenis Leopoli absolvit an. 1763. Anno sequenti, die 6 VIII sacerdos ordinatus est. Missus Varsaviam ab episcopo suo ordinario L.L. Szeptycki ut procurator episcopi et dioecesis. Mox secretarius regius pro rebus ecclesiae unitae et intercessor inter metropolitam nuncium et regem factus est. Praeter consuetudinem ecclesiae orientalis, etsi non monachus, (dispensatus a votis regularibus) episcopus in partibus infidelium nominatus et die 4 XII 1784 consecratus, ut episcopus auxiliaris metropolitae J.J. Smogorzewski (1781-1788). Anno 1787 nominatus suffraganeus coadiutor episcopi Luceoriensis Michaelis Stadnicki, ob eius morbum mentalem. Post mortem coadiuti 1793, Lewiński episcopus ordinarius Luceoriensis factus est. Dismembratione Poloniae annis 1772, 1793, 1795 facta, Russia — principalis auctor — dioecesim Luceoriensem occupavit. Imperatrix Catharina II anno 1795 hanc dioecesim annulavit, Paulus autem I eius successor eam restituit, sed territorium eius multum ampliavit. Sub pressione „missionum” monachorum orthodoxorum, adiuvantibus militibus Russis, maior pars ecclesiarum gr. - cath. orthodoxiam amplexa est. Episcopus Lewiński, vir probus, ecclesiae gr. - cath. deditus, unus meliorum episcoporum unitorum sui temporis erat. Anno 1807 obdormivit in Domino.